जर्मनीला आल्यापासून दिवाळी जवळ आली मनाला फार हुरहूर लागून राहते. खरंतर सगळ्यांच सणांना घरची आठवण येते पण दिवाळीत घरातल्या सगळ्यांबरोबर केलेली धमाल आठवते आणि मन खट्टू होतं. पण जेव्हा मी गॅलरीत हा दिवा लावायला सुरुवात करते तेव्हा मनाला जरा उभारी येते.
ह्या दिव्याकडे पाहिलं की मला दिवाळीच्या इतर कामांमध्ये उत्साह येतो. पुढे मग लाईटच्या माळा आणि आकाशकंदील लावणे, फराळाचे पदार्थ करणे, रांगोळी काढणे, ह्या आणि अशा छोट्या छोट्या गोष्टींमुळे माझी इथली दिवाळीही आनंदात जाते!
आज मावळतीला दिवा लावला आणि हे छायाचित्र टिपलं. सूर्य जरा उजवीकडे मावळत होता पण ह्या दिव्यात त्याचं तेज उमटलं होतं. उत्साह देऊन जाणारा अजून एक क्षण!!
सौ. राजश्री उपेंद्र पुराणिक
1 टिप्पणी:
जिवाची दिवाळी
टिप्पणी पोस्ट करा