बर्फ म्हणजे

बर्फ म्हणजे.... ❄️❄️

त्यात बागडणारी, स्नोबॉल फाईट खेळणारी, स्नोमॅन बनवणारी छोटी छोटी मुलं, हातात हात घालून एकमेकांना सावरत जाणारं वयस्कर जोडपं, सावध पावलं टाकणाऱ्या छत्री घेतलेल्या आज्जी, फोटोज, सेल्फी काढणारे तरुण तरुणी, आम्ही रस्त्याच्या मध्येच उभे राहून फोटो काढतोय म्हणून रागावलेले आजोबा. 

निगुतीने रस्त्यातल्या बर्फ स्वच्छ करणारे आणि वेळोवेळी फुटपाथवर खडेमीठ आणि खडी टाकणारे कर्मचारी, जेणेकरून लोकांचं बर्फावरून चालणं सुकर व्हावं. 

आजूबाजूच्या प्रत्येक गोष्टीवर पसरलेली बर्फाची दुलई, निष्पर्ण झाडांच्या फांद्यावर साचून राहिलेला आणि वाऱ्याच्या झोतासरशी खाली पडणारा, पायवाटेवर दगड बनलेला, ढगांमधून हळुवारपणे पडणारा, हातातून अलगद निसटणारा, उदासवाण्या वातावरणात मनाला उभारी देणारा बर्फ.... ❄️❄️

आणि हे सगळं मनात साठवणारी मी ❤️